ગુજરાતી ભાષાનાં નીવડેલા અને નવા મળીને કુલ ૨૫૦ ગઝલકારોનો પરિચય આ પુસ્તકના મધ્યમથી થાય છે. ‘દીવાલની પાછળ’ શબ્દસમૂહમાં મોજૂદ દીવાલ માત્ર દીવાલ ન રહેતા વિવિધ અર્થોનું વિરાટ ભાવવિશ્વ રચી આપે છે, જે ગુજરાતી વાચકો માટે આસ્વાદ્ય બની રહે છે.

પ્રિય વ્યક્તિ પ્રત્યેનો લગાવ, તેને મેળવવાની ઝંખનાને આપણે સાદી ભાષામાં પ્રેમ કહીએ છીએ.અંગત પ્રેમ અનુભૂતિ અને અનુભવેલાં માનવીય સંવેદનોને કાવ્યસ્વરૂપ આપે છે કવયિત્રી રાધિકા પટેલ નવા અછાંદસ કાવ્યસંગ્રહ ‘શર’માં

ક્રિકેટની મૅચ, ફિલ્મની વાર્તાથી લઈને રાજકીય બનાવો અને રાષ્ટ્રીય-આંતરરાષ્ટ્રીય ઘટનાઓ પર આ ટોળકી પાસેથી અઢળક એક્સપર્ટ કૉમેન્ટ્સ મળી આવે છે, જેમાં રમૂજનો મસાલો ભેળવી કિરણભાઈએ પુસ્તક 'રધાયણ'ના મધ્યમથી આપણને પીરસી છે. 

બે પેઢી વચ્ચે વધતો જતો જનરેશન ગૅપ આજના સમયે સર્વસામાન્ય અને સર્વવ્યાપી પ્રશ્ન છે. ન્યુક્લિયર ફૅમિલીના જમાનામાં તૂટતાં જતાં સંયુક્ત કુટુંબોની વરવી વાસ્તવિકતા રજૂ કરતી આ નવલકથા ફક્ત સિનિયર સિટિઝન્સને જ નહીં, પરંતુ યુવાનોને પણ સ્પર્શી જશે.

સુખ-શાંતિ અને સમૃદ્ધિથી સંપન્ન એક રાજ્ય શિવકાંચી. અને તેનું પાડોશી રાજ્ય સૂર્યકોટિ.નીતિમત્તા, પ્રજાવત્સલતા અને સુશાસન માટે બંને રાજ્યોની ખ્યાતિ દેશવિદેશમાં ફેલાયેલી છે. સાહસિક નવલકથાઓના શોખીન વાચકો માટે આ પુસ્તક એક ઉત્કૃષ્ટ વિકલ્પ સાબિત થશે.

‘જીવતરનો અજવાશ’ વિવિધ ક્ષત્રોના ૧૭ સેવાકર્મીઓએ  પોતાના ક્ષેત્રમાં આપેલા અમૂલ્ય યોગદાન પર પ્રકાશ પાડે છે. દરેક પ્રકરણ જાણે સંક્ષિપ્ત આત્મકથા છે. આ પુસ્તક તેમના જીવનકર્મ અને ચરિત્રોથી વાચકોના જીવનમાં પણ પ્રેરણાનો અજવાશ ફેલાવશે.

સમાજ ઘડતરમાં અસાધારણ યોગદાન આપનાર ૨૧ જીવનચરિત્રોને લેખક પ્રસાદરૂપે અર્પણ કરે છે ‘પંચાજીરી’માં. સાથે જે-તે વ્યક્તિવિશેષની જીવનગાથા અને આંતરસત્ત્વ તેમ જ સાધનાને ઉજાગર કરી આપતા આ ચરિત્રલેખો આજના સમાજ માટે દીવાદાંડી બની રહે છે. 
 

પ્રેમ અને સ્વીકારની ભાવના સાથે લગ્નજીવનને સુખી કેવી રીતે બનાવી શકાય એ વિશે વાત કરે છે લોકપ્રિય લેખક કાજલ ઓઝા વૈદ્યની કલમે લખાયેલું પુસ્તક ‘કહી દો ને આઇ લવ યૂ’.